678670,Чурапча Ярославского 18А. +79142362021 aylgy.churapcha@mail.ru

"GrimFace" ыччат айар бөлөҕө, "УНИВЕРСАМ" уонна "ГРИЛЬ МЯСО" бу карантин бэриэмэтигэр ОҔОЛОРГО Улууснай "ДЬЭЭБЭ Биидьик" КОНКУРС тэрийэр.

Эһигиттэн ирдэнэр:
✅ 1 мөнүүтэлээх күлүүлээх видео "ВАЙН" (туох туһунан устаргыт көҥүл, коронабирус туһунан наһаа уста сатааман😄)
✅❌Куһаҕан дьаллыга, хара дьээбэтэ суох буолуохтаах
✅ @kudalyyrap @gril_myaso @universam_churapcha бу үс страницаҕа подпискалаах буолуохтааххыт(мамалар папалар бары подпискаланын,инникитин элбэх акция, оонньуу кэтэһэр😉)

Кыайыылаахтарга:
➡1 миэстэ "Экшн камера"
➡2 миэстэ "Блютуз Наушник"
➡3 миэстэ "Серификат от магазина УНИВЕРСАМ"приз зрительских симпатий" КОМПЛИМЕНТ ОТ ГРИЛЬ МЯСО Кыайыылаахтары "GrimFace" ыччата дьүүллээн талыаҕа Приз зрительских симпатий инстаграмҥа ❤ ахсаанынан быһаарыллыаҕа😉

Конкурска кыттар Вайнҥытын БАССААБЫНАН
👉🏻 89244603246👈🏻 манна ыытаҕыт😊 Бэйэҕит туһунан толору суруйаргытын умнуман😁(ф.и.о, откуда, класс)

Конкурс:
⭕ 4-10 апрель ВИДЕО МАТЕРИАЛЛАРЫ мунньабыт (инста тахсан иһиэ😁)
⭕ 11-12 апреля СУББОТА-ВОСКРЕСЕНЬЕ Приз зрительских симпатий ИНСТАРАМҤА @kubalyyrap страницаҕа ❤ лайк куоластааһын буолуо.
⭕Кыайыылаахтар 13 апреля биллэллэр😁😉

Боппоруос баар буоллаҕына 📞 89244603246 эрийэн ыйытын😁

Автор идеи: Лебедев Ярослав специалист по жанрам творчества АУ РДНТ "Айылгы"

Х үбүлүөйдээх республикатааҕы “Якутия мастеровая” быыстапка-дьаарбаҥкаҕа

 

Дьокуускай куоракка кулун тутар 4-7 күннэригэр СӨ култуура уонна духуобунай сайдыы министиэристибэтин, норуот прикладной искусствотын уонна уус-уран оҥоһуктарын “Симэх” национальнай киинин, Өксөкүлээх Өлөксөй аатынан норуоттар доҕордоһууларын дьиэтин тэрийиилэринэн Өрөспүүбүлүкэҕэ кулун тутар 5 күнүгэр бэлиэтэнэр норуот уус-уран оҥоһуктарын Маастарын күнүн чэрчитинэн үбүлүөйдээх “Якутия мастеровая” онус быыстапка-дьаарбаҥка буолан ааста. Түөрт күн устата Өксөкүлээх аатынан норуоттар доҕордоһууларын дьиэтин бары саалаларыгар тэрээһин бөҕө ыытылынна, быыстапка арааһа тардылынна, атыы-тутуу тохтобула суох эргийдэ. Барыта 25 улуустан 500 тахса маастар кытынна. Программа быһыытынан үлэ-хамнас 4-үс чыыһылаттан саҕаланна: ол курдук, сыллата ыытыллар бүтүн республика норуотун маастардарын түмэр тэрээһин саха традиционнай таҥаһын аксессуардарын тигиигэ блиц-күрэхтэн саҕаланан, сарсыҥҥы күнүгэр сахалыы таҥастаахтар бырааһынньыктааҕы сэлэлии хаамыыларынан салҕанан, Аан дойду дьахталларын күнүн кытта сөп түбэспитэ дьон сылдьыытын үксэттэ.

“Якутия мастеровая” быыстапка-дьаарбаҥкаҕа Чурапчы улууһа түөлбэлээн олоҕурбут (места бытования) көрүҥнэригэр “Ай” народнай студия кытыннарбыт 21 киһититтэн 7-тэ эдэр кыттааччы. Быыстапка балаһыанньатыгар ыйыллыбыт көрүҥнэргэ тус-туспа дьүүллүүр сүбэ үлэлээтэ. Улууспутуттан 6 киһи бириистээх миэстэҕэ тигистэ: ол курдук, кыл-сиэл оҥоһуктарга СӨ норуот маастара Седалищева О.Е. 2-ис стэпеннээх дипломунан наҕараадаланна, СӨ норуот уус-уран оҥоһуктарын маастара Николаева В.Д. уонна уран тарбахтаах Оконешникова С.С. “Симэх” национальнай киин грамотатынан бэлиэтэннилэр. Ювелирдар оҥоһуктарын сыаналыыр сүбэ быһаарыытынан Николаев Г.Г., туой оҥоһуктарга Екечьямов П.А., куукула оҥорооччуларга СӨ норуот уус-уран оҥоһуктарын маастара Кузьмина И.С. 2-ис степеннээх дипломнары тутан үөрүүлэрэ үксээтэ. Түөрт күн устата ыытыллыбыт блиц-күрэххэ СӨ норуот уус-уран оҥоһуктарын маастара Ахматова Н.П. оһуордаах-мандардаах сахалыы үтүлүгү тигэн эмиэ 2-ис степеннээх диплому тутта.

Уран киэргэллэри нарыннык чочуйан оҥорор ювелир Гаврил Николаев СӨ норуот уус-уран оҥоһуктарын маастарын үрдүк аатын ылан үөрүүтэ үксээтэ, салгыы айарга-тутарга аартыга арылынна.

Маастар күнүн бэлиэтээһин сонун көстүүтүнэн “Остуоруйа – олохпут оҥкула” диэн уран тарбахтаах уустар оҥоһуктарын туттан остуоруйаттан быһа тардыыны инсценировкалаан көрдөрүү буолла. Чурапчы улууһуттан “Күбэйэ” түмсүү бочуоттаах 3-үс миэстэҕэ тиксэн диплому уонна Атласовтар этно-уһаайбаларыгар сынньалаҥ путевкатын туттулар.

Сылын ахсын кэрэ көстүүнэн абылыыр саха таҥастаахтар сэлэлии хаамыыларыгар Сылаҥ, Мугудай уонна Төлөй нэһилиэктэриттэн барыта 28 киһи кытынна. Ол эрэн бу көстүү быйыл тэрээһинэ боростуойдатыллыбыта, дьон санаатын көтөҕөр музыканан доҕуһуола суоҕа хомотто.

Быйыл “Якутия мастеровая” быыстапка үлэтин, улахан маастардар оҥоһуктарын анаан-минээн көрөр сыалланан Чурапчы нэһилиэгин “Утум” Айыы кыһатын иһинэн үлэлиир уран тарбахтаахтар түмсүүлэрин чилиэннэрэ тэрээһиннээхтик сылдьан харахтара кэҥээн, айарга-тутарга толкуйдара тобуллан кэллилэр. Улууспутугар хас биирдии нэһилиэккэ уран уустар түмсүүлэрэ прикладной уонна уус-уран оҥоһук көрүҥнэрин сайыннарарга үгүс үлэни ыыталлар. Маны сэргэ өрөспүүбүлүкэбит киинигэр, атын да улуустарга бэйэлэрин үөрүйэхтэриттэн үллэстэ, дьону-сэргэни кытта алтыһа, уопут атастаһа айанныыллар, “Ай” студия исписэлиистэрэ тэрийиилэринэн өрөспүүбүлүкэ таһымнаах маастардар бэйэлэрин сатабылларыттан бэрсэн маастар-кылаастары биэрэ, семинардарга кытта кэлиилэрэ норуот илиинэн оҥорор уус-уран айымньыта өлүктүйбэтин, саҥалыы тыыннанан сайдыытын кэрэһилиир. Манна даҕатан эттэххэ, саха материальнай култуурата: оҥоһуктара, оһуора-мандара сайдар хайысхатын тутарга дириҥэтэн үөрэтии, ымпыгын-чымпыгын ырытан көрүү, уһаныы араас көрүҥүн улуус ахсын араастаһыытын, уратытын сыныйыыттан сайдар буоллаҕа.

 

Муосчут кыыһа Айылгы Пинигина,

“Айылгы” ОНАДь айар үлэ хайысхаларын сүрүннүүр үлэһитэ

 

 

  

Кунду-мааны ,Чурапчы сэлиэнньэтин дьоhун-мааны дьонун сэргэтин, эhигини кэлэн иhэр сааскы саймаархай бырааhынньыктарынан итиитик-истинник э5эрдэлээн туран, Эстрада государственнай тыйаатырын артыыстарын
«Сааскы киэhээ ырыалара» диэн ырыа-тойук дьоро-мааны туhулгэтигэр ынырабыт.Бу киэhээ кыттыыны ылыахтара:
Кеша Лебедев-Амикан, Александр Бурнашов
, Ника
, Айгылаан,Умсуура
,Амгаяна,Анатолий Горохов
,Эрчим
,Карина Табарова
,Эрхаан
Кэнсиэри иилээн-са5алаан ытыа5а Николай Гоголев

Буолар кунэ: Кулун тутар 13 кунэ.
Буолар сирэ: АУ "ЦК" «Айылгы»
Са5аланар чааhа: 19:00 ч.
Кирии билиэт: 400 руб.
Билиэт «Айылгы» культура киинин кассатыгар атыыга та5ыста.

Кэлин, сылдьын ырыа абыланар дуоhуйа сынньанын!

кт 744-330
6+

Страница 4 из 8

Государственные сайты