Районный дом народного творчества

Ааспыт сылга “Айылгы” НАДь иһинэн сыл устата ыытыллыбыт нэһилиэк норуот айымньыларын дьиэлэрин икки ардыларыгар творческай марафон түмүктүүр дьаһалынан “Хомуһун” драматическай коллективтар бэстибээллэрэ буолан ааспыта.
Конкурска барыта араас хабааннаах, араас хайысхалаах тоҕус үлэ киирбитэ. Ол курдук Одьулуун, Хоптоҕо, Чурапчы, Кытаанах, Сылан, Болтоҥо, Төлөй, Алаҕар нэһилиэктэрэ бу бэстибээлгэ бэйэлэрин туруорбут испиктээхтэрин видео материалларын дьүүллүүр сүбэҕэ киллэрбиттэрэ. Дьүүллүүр сүбэ састаабыгар улууска театральнай ускуустуба сайдыытыгар айа-тута сылдьар РСФСР уонна Саха АССР народнай артыыһа П.М.Решетников аатынан Чурапчытааҕы народнай театр артыыстара үлэлээтилэр. Дьүүлүүр сүбэ бэрэссэдээтэлэ ССРС культуратын туйгуна, СӨ культуратын үтүөлээх үлэһитэ, Чурапчы народнай театрын өр сылларга режиссера Н.М.Заболоцкая, маны таһынан СӨ культуратын үтүөлээх үлэһитэ В.П.Герасимов, РФ кинемотаграфиятын үтүөлээх үлэһитэ, театр худуоһунньуга И.И.Еремеев, СӨ культуратын туйгуна, артыыска А.Мк.Пинигина, өрөспүүбүлүкэтээҕи бэстэбээл “Бастыҥ дьахтар оруола” анал аат хаһаайката, артыыска С.Д.Дьячковская биир күн устата бэстэбээлгэ киирбит үлэлэри күн устата көрдүлэр.
“Хомуһун” бэстэбээл түмүгүн билиһиннэрэбит:

– “Бастыҥ дьахтар оруола” – Ольга Ноева (Чурапчы нэһ.)
– “Бастыҥ эр киһи оруола” – Айтал Беляев (Чурапчы нэһ.)
– “Бастыҥ уус-уран толкуй” – “От” испиктээх (Сылан нэһ.)
– “Бастыҥ авторскай үлэ” – Василий Николаев (Чурапчы нэһ.)
– “Бастыҥ монтаж” – “Куоратчыт” испиктээх (Кытаанах нэһ.)
– “Бастыҥ музыканан киэргэтии” – “Олох дьэбэрэтэ” (Төлөй нэһ.)
– “ГРАН-ПРИ” – “Дьл хараҕын уута” испиктээх (Чурапчы нэһ.)

Кыайыылаах испиктээҕи www.aiylgy.ru сайтка киирэн көрөргүтүгэр ыҥырабыт! Бары кыттыбыт драматическай коллективтарга ситиһиини уонна барҕа махталбытын тиэрдэбит!

рднт Айылгы

Обратная связь

+79142362021

aylgy.churapcha@mail.ru

Социальные сети

Официальный сайт РДНТ с. Чурапча "Айылгы" © 2011-2021

×
×

Корзина