Өрөгөйдөөх Өймөкөөн сиригэр Томтор бөһүөлэгэр 16-ыс олоҥхо ыһыаҕа от ыйын 1-2 күннэригэр буолан ааста

Өрөгөйдөөх Өймөкөөн сиригэр Томтор бөһүөлэгэр 16-ыс олоҥхо ыһыаҕа от ыйын 1-2 күннэригэр буолан ааста.
35 кыраадыстаах өҥүрүк куйааска Саха сирин бастыҥ уустара, норуот маастардара аат былдьаһар, албан уккуйар күөн-күрэхтэригэр Чурапчы улууһун уран тарбахтаахтарын үлэлэрин быыстапката киэҥ сэҥээриини ылла. Саха өрөспүүбүлүкэтин Ил Дархана А.С.Николаев, Олоҥхо ассоциациятын председателэ А.Н.Жирков, СӨ култуура уонна духуобунай сайдыы миниистирэ Ю.С.Куприянов уо.д.а. үрдүк сололоох ыалдьыттар быыстапканы көрдүлэр, киэҥ хабааннаах кэпсээни иһиттилэр. Дьон болҕомтотун ордук Чурапчы нэһилиэгин 375 сылыгар анаммыт Йохельсон экспедициятын сакааһынан “Чурапчы ыһыаҕа” хаартысканы хатылаан түһэрии (рефотография) баннернай барыйаана тартта. А.А.Саввин аатынан история уонна этнография түмэлин директора Ю.С.Толстоухов, “Ай” студия специалиһа, быыстапка салайааччыта А.М.к.Пинигина ыһыах дьонугар кэпсээннэрэ бэрт элбэх буолла.

СӨ норуот уус-уран оҥоһуктарын маастара Изабелла Кузьмина “Оҕочоон үрүйэтин иччитэ” диэн саҥа оҥоһуга болҕомто киинигэр турда, маастар бэйэтин үлэтин Өймөкөөн үһүйээнигэр олоҕурдан оҥорбутун туһунан кэпсээтэ.

Тимир уустарын күрэхтэрин, саха таҥаһын уонна быыстапка түмүктэрэ:
🔹 Сыахай (куукула оҥоруутун күрэҕэр – бастакы үрдэл (30тыһ. солк.) Кузьмина Изабелла Степановна (Төлөй)
🔹 “Наследие предков” ат толору симэҕин күрэҕэр – иккис үрдэл (20тыһ. солк.) “Ыҥыыр сэргэтэ – хоҥсуоччу” анал аат (5тыһ. солк.) “Алгыстаах бэрэмэдэй” (5тыһ. солк.) – Петрова Августина Егоровна (Одьулуун)
🔹 Кыл сэлээппэ күрэҕэр үһүс үрдэл (5тыһ. солк.) – Анемподистова Матрена Григорьевна (Хоптоҕо)
🔹”Үлэнэн чэлгийэр Сахам сирэ” быыстапкаҕа төрүт иискэ анал аат (5тыһ. солк.) – Ахматова Надежда Прокопьевна (Чурапчы)
🔹“Үлэнэн чэлгийэр Сахам сирэ” быыстапкаҕа төрүт иискэ анал аат (5тыһ. солк.) – Попова Александра Петровна (Хатылы)
🔹“Үлэнэн чэлгийэр Сахам сирэ” быыстапкаҕа мас оҥоһуктарга анал аат (5тыһ. солк.) – Егоров Гаврил Васильевич (Болтоҥо)
🔹«Үлэнэн чэлгийэр Сахам сирэ” быыстапка иккис үрдэлэ (20тыһ. солк.) «Сиэл тойуга” түмсүү, Чурапчы (сал. Бурнашева Варвара Гаврильевна)
🔹Саха таҥаһыгар үһүс үрдэл – Карсанаева Татьяна Николаевна (Чурапчы)
🔹Тимир уустарын “Ат иңэһэтэ-бигэ тирэҕим” күөн күрэстэригэр – иккис үрдэл (50тыһ. солк.) Хомус Эдвард Иванович (Чурапчы)
🔹”Саха тимириттэн – бастыҥ батыйаны” күөн күрэх анал аата (5тыһ. солк.) – Кычкин Виктор Викторович (Хатылы)
🔹Тимир уустарын “Ат уостугана – салайыы сатабыла” күөн-күрэхтэрин анал аата (5тыһ. солк.) – Дьяконов Борис Гаврильевич (Чурапчы)
🔹Махтал сурук – Константинов Анатолий Иванович (Хатылы)