“Мин Сахабын”-2023                                                               Аһаҕас өрөспүүбүлүкэтээҕи бэстибээл түмүк тыллара

“Мин Сахабын”-2023 Аһаҕас өрөспүүбүлүкэтээҕи бэстибээл түмүк тыллара

Сахалыы ыллыахха-туойуохха,

Сахалыы санаабытын сайа саҥарыахха,

Саха буолан сандаарыахха!

Фестиваль номнуо 4 сылын ыытылынна. Проект автордарынан «Айылгы» улуустааҕы норуот айымньытын дьиэтин специалистара буолаллар. Барыта 6 хайысхалаах фестиваль күрэхтэригэр куратордарынан үлэлээтилэр бэйэлэрин идэлэрин толору баhылаабыт идэлээх үлэhиттэр:

  1. «ТƟРƟƟБΥТ ТƟРΥТ ИЙЭ ТЫЛЫМ» сахалыы айымньыны уус-ураннык ааҕыы күрэҕэр кураторынан улэлээтэ – СР культуратын үтүөлээх улэhитэ, Петр Михайлович Решетников аатынан Чурапчытааҕы народнай театр режиссера Иван Иванович Бушков.
  2. «ОЙУУ ТЫЛЛААХ ОСТУОРУЙАҺЫТ, КЭРЭХСЭБИЛЛЭЭХ КЭПСЭЭННЬИТ» остуоруйаhыттар күрэхтэригэр үлэлээтэ – «Айылгы» улуустааҕы норуот айымньытын дьиэтин режиссера Олесь Николаевич Максимов.
  3. «МИН ЫРЫАМ САХАЛЫЫ САТАРЫЫР» саха ырыатын толорооччулар күрэхтэригэр улэлээтэ, «Айылгы» улуустааҕы норуот айымньытын дьиэтин маассабай тэрээһиннэргэ режиссера, ырыа эйгэтигэр үгүс проектар автордара Элеонора Кузьминична Дьяконова.
  4. «САХАМ НАРЫН ΥӉКΥΥТЭ – САХАМ СИРИН КЭРЭТЭ» саха үҥкүүтүн толорооччулар күрэхтэригэр кураторынан улэлээтэ «Айылгы» хореограва, үҥкүү туруорааччы Василий Васильевич Брызгаев.
  5. «СЭЭРКЭЭН СЭҺЭН ДОЙДУТА» сахалыы фольклорнай айымньы, олоҥхо, остуоруйа сюжеттарынан көҥүл темаҕа уруhуй күрэҕэр үлэлээтэ СР культуратын туйгуна, культуролог Айылгы Муосчут кыыhа Пинигина.
  6. «КҮН ДЬӨҺӨГӨЙ» – уобараhын арыйар көстүүм эскиhин күрэҕэр кураторынан үлэлээтэ СР культуратын туйгуна, «Ай» народнай студия салайааччыта Сусанна Дмитриевна Дьячковская.

Дьүүллүүр сүбэҕэ үлэлээтилэр республикаҕа биллэр-көстөр артыыстар уонна искусство деятеллэрэ: Ньургун Бэчигэн, Оксана Жиркова, Анна Флегонтова, Валентина Романова-Чыскыырай, Артур Семенов-Тоҥ Саха, Дмитрий Артемьев, Николай Терютин, Сааскылаана Жиркова, Ольга Скорикова, Иннокентий Корякин, Мария Астрелина, Амгалена Нуотара.

Быйыл күрэхпит аhаҕас республиканскай буолан республикабыт араас улуустарыттан кыттыыны ыллылар, ол курдук: Орто-Халыма, Кэбээйи, Сунтаар, Ньурба, Булуу, Υөhээ-Бүлүү, Нам, Дьокуускай, Хаҥалас, Мэҥэ-Хаҥалас, Амма, Таатта, Чурапчы улуустарыттан барыта 1157 киhи кыттыыны ылла, 457 сайаапка киирдэ.

Күрэх түмүгүнэн хайысхалар аайы анал ааттар иҥэриллиннилэр

  1. «ТƟРƟƟБΥТ ТƟРΥТ ИЙЭ ТЫЛЫМ» сахалыы айымньыны уус-ураннык ааҕыы күрэҕэр «Төрөөбүт тылы төлкөлөөччү» анал аат туттарыллынна культура ветераныгар Василий Николаевич Дьячковскай.
  2. «ОЙУУ ТЫЛЛААХ ОСТУОРУЙАҺЫТ, КЭРЭХСЭБИЛЛЭЭХ КЭПСЭЭННЬИТ» остуоруйаhыттар күрэхтэригэр «Ойуу тыллаах остуоруйаһыт, кэрэхсэбиллээх кэпсээнньит» анал аат туттарыллынна Наина Васильеваҕа, Уус-Алдан улууhа.
  3. «МИН ЫРЫАМ САХАЛЫЫ САТАРЫЫР» саха ырыатын толорооччулар күрэхтэригэр «Ыллам ырыалаах ырыаһыт» анал аат туттарыллынна Баина Мария Егоровнаҕа, Болтоҥо, Чурапчы улууhа.
  4. «САХАМ НАРЫН ΥӉКΥΥТЭ – САХАМ СИРИН КЭРЭТЭ» саха үҥкүүтүн толорооччулар күрэхтэригэрм«Сахалыы үҥкүүнү сайыннарааччы, төрүт хамнаныыны төлкөлөөччү» анал аат туттарылынна Баишева Ольга Егоровнаҕа Алаҕар нэhилиэгэ, Чурапчы улууhа.
  5. «СЭЭРКЭЭН СЭҺЭН ДОЙДУТА» сахалыы фольклорнай айымньы, олоҥхо, остуоруйа сюжеттарынан көҥүл темаҕа уруhуй күрэҕэр «Алыптаах киистэ айымньыта» анал аат туттарыллынна Иванова Туяра Афанасьевна Хоптоҕо нэhилиэгэ, Чурапчы улууhа.
  6. «КҮН ДЬӨҺӨГӨЙ» уобараhын арыйар көстүүм эскиhин күрэҕэр «Тобуллаҕас толкуйдаах ойууһут» анал аат туттарыллынна Наталья Егоровна Гуляева Төлөй нэhиэлэгэ, Чурапчы улууhа.

ФЕСТИВАЛЬ КЫЛААН КЫАЙЫЫЛААҔЫНАН буолла «МИН ЫРЫАМ САХАЛЫЫ САТАРЫЫР» саха ырыатын толорооччулар күрэхтэригэр Уйбаан Доосо тылларыгар, Виталий Андросов мелодиятыгар «Мин алаас уолабын» ырыатынан  Чурапчы улууhун, Хоптоҕо нэhилиэгиттэн ырыаhыт Валерий Корякин.

Инникитин проекпыт сайдан истин, бэйэтин тула өссө элбэх талааннаах дьону түмтүн, сайыннын.

отдел сэбиэдиссэйэ Елена Дьячковская

Добавить комментарий